மாற்கு 10:2-16
சிறு பிள்ளைகளை இயேசு தொடவேண்டுமென்று, அவர்களைச் சிலர் அவரிடம் கொண்டு வந்தனர். சீடரோ அவர்களை அதட்டினர். இயேசு இதைக் கண்டு, கோபம் கொண்டு, "சிறு பிள்ளைகளை என்னிடம் வரவிடுங்கள். அவர்களைத் தடுக்காதீர்கள். ஏனெனில் இறையாட்சி இத்தகையோருக்கே உரியது. இறையாட்சியைச் சிறு பிள்ளையைப் போல் ஏற்றுக்கொள்ளா தோர் அதற்கு உட்படமாட்டார் என உறுதியாக உங்களுக்குச் சொல்கிறேன்'' என்றார். பிறகு அவர் அவர்களை அரவணைத்து, தம் கைகளை அவர்கள்மீது வைத்து ஆசி வழங்கினார்.
சிந்தனை:
இன்றைய நற்செய்தியில் இயேசு, கணவன் மனைவியிடம் இருக்க வேண்டிய ஒன்றிப்பைப் பற்றி பேசுகிறார். கணவனும் மனைவியும் அன்புடன் ஒன்றித்து வாழ வேண்டும் என்பதே கடவுளின் திட்டம். கணவன் மனைவியையும், மனைவி கணவனையும் புரிந்துகொண்டு வாழும்போது திருமண உறவில் மகிழ்ச்சி நிலைத்திருக்கும். மனைவியை விலக்கிவிட்டு வேறு மணம் புரியும் கணவனும், கணவனை விலக்கிவிட்டு வேறு மணம் புரியும் மனைவி யும் விபச்சாரத்தில் ஈடுபடுகிறார்கள் என்று இயேசு கடுமையாகச் சாடுகிறார். பிரிவை அல்ல, ஒன்றிப்பையே கடவுள் விரும்புகிறார். எனவே கடவுள் இணைத்ததை மனிதர் பிரிக்காதிருக் கட்டும். சிறு பிள்ளைகளைப் போன்று மன்னித்து மறக்கும் உள்ளத்துடன் வாழும்போது, இல்லறத்தை மட்டுமல்ல, இறையாட்சியையும் நம்மால் கட்டியெழுப்ப முடியும்.