மாற்கு 8:27-35
பின்பு அவர் மக்கள் கூட்டத்தையும் சீடரையும் தம்மிடம் வரவழைத்து, "என்னைப் பின்பற்ற விரும்பும் எவரும் தன்னலம் துறந்து, தம் சிலுவையைத் தூக்கிக்கொண்டு என்னைப் பின் பற்றட்டும். ஏனெனில் தம் உயிரைக் காத்துக் கொள்ள விரும்பும் எவரும் அதை இழந்து விடு வார்; என் பொருட்டும் நற்செய்தியின் பொருட்டும் தம் உயிரை இழக்கும் எவரும் அதைக் காத்துக் கொள்வார்" என்றார்.
சிந்தனை:
இன்றைய நற்செய்தியில் இயேசு, தன்னைப் பற்றி பிறர் என்ன பேசிக் கொள்கிறார்கள் என்பதை சீடர்களிடம் இருந்து கேட்டுத் தெரிந்து கொள்வதைக் காண்கிறோம். மக்களின் உள்ளத்தையும், எண்ணங்களையும் அறிந்திருந்த இயேசு அவற்றை சீடர்களின் வாய்மொழி யாக கேட்டறிந்ததில் ஒரு நோக்கம் இருக்கிறது. தான் உலகிற்கு வந்ததன் நோக்கத்தை சீடர்கள் சரியாக புரிந்துகொள்ள வேண்டுமென்றே இயேசு சீடர்களிடம் கேள்வி எழுப்புகிறார். பேதுரு இயேசுவை மெசியா என்று அறிக்கையிட்டாலும், அவரை இவ்வுலக அரசுக்குரியவ ராகவே பார்க்கிறார். ஆனால் இறையாட்சியை உலகில் நிறுவ வந்த இயேசு துன்பங்களை ஏற்பதன் அவசியத்தை சீடர்களுக்கு உணர்த்துகிறார். நம் சிலுவையைத் தூக்கிக்கொண்டு இயேசுவைப் பின்தொடரும்போது, நாம் நிலைவாழ்வை உரிமையாக்கிக் கொள்ள முடியும்.