மத்தேயு 3:1-12
பரிசேயர், சதுசேயருள் பலர் தம்மிடம் திருமுழுக்குப் பெற வருவதைக் கண்டு அவர் அவர்களை நோக்கி, "விரியன் பாம்புக் குட்டிகளே, வரப்போகும் சினத்திலிருந்து தப்பிக்க இயலும் என உங்களிடம் சொன்னவர் யார்? நீங்கள் மனம் மாறியவர்கள் என்பதை அதற் கேற்ற செயல்களால் காட்டுங்கள். 'ஆபிரகாம் எங்களுக்குத் தந்தை' என உங்களிடையே சொல்லிப் பெருமை கொள்ள வேண்டாம். இக்கற்களிலிருந்தும் ஆபிரகாமுக்குப் பிள்ளை களைத் தோன்றச் செய்யக் கடவுள் வல்லவர் என உங்களுக்குச் சொல்கிறேன். ஏற்கெனவே மரங்களின் வேரருகே கோடரி வைத்தாயிற்று. நற்கனி தராத மரங்கள் எல்லாம் வெட்டப் பட்டுத் தீயில் போடப்படும். நீங்கள் மனம் மாறுவதற்காக நான் தண்ணீரால் திருமுழுக்குக் கொடுக்கிறேன், எனக்குப் பின் ஒருவர் வருகிறார். அவர் என்னைவிட வலிமை மிக்கவர். அவருடைய மிதியடிகளைத் தூக்கிச் செல்லக்கூட எனக்குத் தகுதி இல்லை. அவர் தூய ஆவி என்னும் நெருப்பால் உங்களுக்குத் திருமுழுக்குக் கொடுப்பார். அவர் சுளகைத் தம் கையில் கொண்டு கோதுமையையும் பதரையும் பிரித்தெடுப்பார்; தம் கோதுமையைக் களஞ்சியத்தில் சேர்ப்பார்; ஆனால், பதரை அணையா நெருப்பிலிட்டுச் சுட்டெரிப்பார்'' என்றார்.
சிந்தனை:
இன்றைய நற்செய்தியில் ஆண்டவரின் முன்னோடியான திருமுழுக்கு யோவான், இயேசு வின் வருகைக்காக மக்களைத்
தயார் செய்வதைக் காண்கிறோம். கடவுளின் பாதையைச் செம்மையாக்குமாறு வந்த அவர், மக்கள் அனைவரும் தங்கள் உள்ளங்களைத்
தூய்மைப் படுத்துமாறு அழைப்பு விடுக்கிறார். நீதியுள்ள கடவுளின் சினத்திலிருந்து தப்பிக்க பாவங் களை விட்டு மனந்திரும்புமாறும், நமது மனமாற்றத்தை நற்செயல்கள் மூலம் வெளிப்படுத்து மாறும் யோவான் வலியுறுத்துகிறார். நற்கனி தராத மரங்கள் எல்லாம் வெட்டப்பட்டுத் தீயில் போடப்படும் என்ற எச்சரிக்கையும் நமக்குத் தரப்படுகிறது. அனைத்தின் மீதும் அதிகாரம் கொண்ட ஆண்டவர் முன்னிலையில் நமது தாழ்நிலையை உணர்ந்தால், அவரது களஞ்சி யத்தில் சேர்க்கப்படும் கோதுமையாக நாம் வாழ முடியும்.