யோவான் 13:31-35
சிந்தனை:
இன்றைய நற்செய்தியில் இயேசு, தன் சீடர்கள் அனைவருக்கும் அன்பு கட்டளையைக் கொடுக்கிறார். பகைமைக்கு பதிலாக, வெறுப்புக்கு மாறாக, 'ஒருவர் மற்றவரிடம் அன்பு செலுத்துங்கள்' என்னும் புதிய கட்டளை நமக்கு வழங்கப்படுகிறது. நல்ல ஆயராம் இயேசு நம்மை அன்பு செய்தது போன்று, தாராளமாய், பொறுமையாய், கனிவாய், உண்மையாய், உயிரை கொடுக்கும் அளவுக்கு அன்பு செய்ய நாம் அழைக்கப்படுகிறோம். இயேசு நம் மீது கொண்ட அன்பால் தந்தையாம் கடவுளை மாட்சிபடுத்தியது போன்று, நமது அன்பு வாழ்வால் கிறிஸ்துவின் சீடர்கள் என்பதை நிரூபிக்க ஆண்டவர் நமக்கு அழைப்பு விடுக்கிறார். இயேசு வின் குரலுக்கு செவிகொடுத்து, இறையன்பிலும் பிரரன்பிலும் நாம் வளர வேண்டும். கிறிஸ் துவின் அன்பை நமது வாழ்வில் பிரதிபலிக்கும் உண்மையான சீடர்களாய் வாழும்போது, நாமும் கடவுளை மாட்சிப்படுத்துபவர்களாய் திகழ முடியும்.